[A:47b]la [C:355]lar 'da' tshul sogs/ /
sgyu 'phrul zlos gar bsgyur mkhas khyod lags so/ /
de nas tshes bcu bzhi'i bar du bzhugs stangs de nyid las cung zad kyang ma g.yos shing / sku gzi mdangs dang 'od du me re ba zhal dngos su bzhugs pa ltar gyur cing / sku 'khris pa dang gsol 'debs pa rnams kyang gnyid dang rmugs pa med cing rig pa dngas pas dge ba la ngang gis 'jug par gyur to/ /
bstan 'gro bya ba rgyun mi chad par 'byung ba'i gtam
tshes bco lnga'i zhogs pa mchod bshoms la phyin dus/ sku g.yas phyogs su yo nas rdo rje dril bu'i phyag rgya'ang zhig /sku'i mdangs kyang nyams pa sogs thugs dam grol ba'i mtshan ma gsal bar snang bas tshes bcu bdun la phan yul gyi ser 'du 'gyed chen gtang nyin nam mkha' la 'ja' kha dog sna tshogs pa/ gdugs dang rgyal mtshan dang ba dan la sogs pa'i dbyibs can gyi bar mtshams med par gang ba'i dbus nas me tog gi char sngar bas che ba kha dog lnga ldan du 'bab cing / rin po che'i me tog sna tshogs pa nam mkha' la 'od 'bar bar bab pa'i tshe/ mi rnams kyis kyang hab shar bzung ba na/ gser las byas pa'i me tog 'dab ma bzhi pa dang / brgyad pa la sogs yu ba yod pa dang rin po che ming mi shes pa de 'dra las byas pa'i 'dab bzhi/ 'dab brgyad yu ba can sogs lag tu zin pa'ang mang po byung / nyi ma sngar bas kyang sum [B:90] 'gyur gyis ring ba tsam dang / 'dus pa'i tshogs chen po rnams kyang yid spro zhing mya ngan gyi snang ba nub pa byung / de nub slob dpon legs rgyam pas sreg blugs 'bul ba'i phyag len pa mdzad cing / mchod pa'i [C:356]sprin gyi phung po gya nom pa dang / gdung khang rgyan du mas brgyan te sku gdung zhugs la gzhen par mdzad pa na/ me rang 'bar ba ltar du ba med cing dri zhim la 'od gsal bas bag phebs pa 'bar/ zla bcu pa'i tshes brgyad la tshogs su nyin thub