[A:48a]kyi rgongsdgong ja cung zad phyi bar byas te/ tshogs ma grol ba'i gseng la gdung khang zhal phye dus dbu thod sogs rten 'ga' zhig spyan drangs tshar tsam gyi skabs su dge 'dun rnams kyis rig /tshogs pa gdung khang zhal 'byed sar phebs nas gdung rus sogs hab thob dutu khyer bas rten ring srel che ba grwa pa so so'i lag tu babs te/ dper na/ chos rje blo gros pa'i phyag tu gdung rus la gur mgon gyi sku bris pa lta bu byon pa dang / tshul khang pa bzod pa'i lag tu gdung rus la sman rgyal gyi sku byon pa dang / bka' bcu pa sangs rgyas dpal gyi lag tu kye rdo rje'i sku dang / dwags po dpal ldan rgyal mtshan gyi lag tu zhun thigs las grub pa'i rnal 'byor dbang phyug gi sku byon pa dang / bon po khro tshang gi lag tu gdung rus kyi dum bu ring srel sum bcu tsam phung por dpungs pa zhig byung ba/ dus phyis ring srel stong lhag tsam dpungs pa mchod rten gyi dbyibs can la ring srel rgyun mi 'chad 'jog par gyur pa babs pa lta bu'o/ /tshogs pa rnams kho thag chod rjes zhabs 'bring ba rnams kyis lhag gang lus nyer cag byas te/ gdung tsha btab cing rten ngo mtshar che ba rnams bsngos bgrang byas pa na/ dbu thod ril por byon pa'i phyi la aShTa'i yi ge 'bur du dod pa'i bar rnams su ring bsrel kha dog sna tshogs pas phra btab pa ltar gang [C:357]zhing / nang na dbu klad ring srel gyi gong bur gyur nas bzhugs pa/ spyan g.yas pa'i phugs na ring srel sran ma [B:91] 'phos pa tsam 'od zer kha dog lnga 'phro bas yid 'phrog par byas pa dang / thugs kyi rtse mo la ring srel sran ma tsam gyis brgyan zhing dkar nag gi mtshams su ring srel gyi dra bas spras pa/ me'i gnod pas cung zad kyang ma nyams pa dang / srin 'dzub ya ciggcig gi tshig