[A:49a]'dun rnams chos khri sgang du bzhugs pa la/ rab gsal nas thugs dang dbu thod sogs mjal ka btang dus/ 'ja' 'od dang metog gi char ha cang mang ches pas 'dus pa thams cad la ma dag pa'i snang ba nub pa byung zhing / de nas bzung ste zla ba gcig lhag tsam du dbu thod gar bzhugs kyi steng gi nam mkha' la 'ja' mtshon gdugs 'dra ba brgyad dgu tsam brtsegs pa zhig dus 'khor mar byung/ slar nA lendra nyid kyis thog drangs dbus gtsang gi chos sde thams cad du dgongs rdzogs rgya chen po bsgrubs/ gsang phur dgongs rdzogs btang dus nA lendrar ji ltar byung pa dang cha 'dra ba'i 'ja' 'od dang / me tog gi char la sogs pa byung bas/ kun kyang dad pa'i dbang po rab tu rtas par gyur to/ /de nas bka' lung ji lta ba bzhin/ mkhas grub chen po dge ba rgyal mtshan pa gdan gsar spyan drangs te/ chos kyi 'khor lo rgya chen po bskor ba sogs bstan pa dang sems can dpag tu med pa'i don mdzad la/ chos rje chos rgyal [C:359]mtshan pas gzims khang 'og gi thugs khur bzhes te/ nang rten la byams 'jam dbyangs kyi gser sku khyad par can zung dang / lam 'bras brgyud pa rnams tshags su btsud/ dbu thod yid bzhin gyi nor bu rin po che'i bzhugs khang du zangs gser las grub pa'i rnam rgyal mchod rten phra tshogs dpag tu med pas brgyan pa/ bum par dngul gar blugs kyi sku 'dra rin po che bzhugs pa dang bcas pa bsgrubs/ mchod pa'i sprin phung smra bsam gyi ra ba las 'das pa bkod nas/ gzims khang la gser gyi gha Ti ras brgyan pa sogs kyang mdzad/ thon nas sprul pa'i sku spyan drangs te/ gsan sbyong mdzad pa'i tshul ston par gsol ba dang / nyid rang gis mdo sngags kyi