[A:50a]sku 'dra rin po che sku tshad dang mnyam pa'i gser sku mthong ba don ldan gzhengs nas/ sangs rgyas kyi 'phel gdung stong phrag lhag tsam gong bur 'dril ba'i ngo mtshar can dang / kun mkhyen nyid kyi dbu thod kyi dum bu ring srel shel lta bu nyer gcig gis spras pa dang / gzhan yang sku gsung thugs [B:94] kyi rten dang / ring srel rab tu mang po/ khu dbon rjes ma gnyis kyi gdung tsha gtso bor gyur ba'i ring srel rnam pa gsum gyis byur por gang zhig rab tu gnas pa lan mang du byas pa 'di bzhengs su gsol/ slad du yang / bstan pa dang sems can la phan par 'dod pa'i 'dun pa ches cher 'phel bzhin par mchis so/ /
khyod sku zhi ba'i khang bzang rtser 'khod [C:361]kyang / /
'gro blo'i sa gzhi intra ni la'i ngos/ /
ngo mtshar mdzad pa'i ri mos rnam bkra ba/ /
des ni thar pa'i lam bzang gsal bar bstan/ /
khyod gsung rab snyan lha yi rnga bo che/ /
skye dgu'i yid kyi mkha' la rab bsgrogbsgrags pa/ /
chos sdom rnam bzhi rigs pa'i 'gyur khugs can/ /
des ni 'gro kun bag med gnyid las slong / /
khyod thugs snying rje chen po'i sprin phung las/ /
dam chos bdud rtsi'i zim char zab mo des/ /
srid 'dir phan bde'i lo thog rab rgyas te/ /
rnam grol 'bras bu'i g.yur za ldem par mdzad/ /
tshangs dang nyi ma nor bu ji bzhin du/ /
'bad med 'phrin las mchog gi 'od zer ni/ /
mkha' khyab mkha' yi mtha' las cher dgongs shing / /
rtag tu phan dgongs mnga' ba khyod lags so/ /
de dag ni rnam par 'byung ba'i mdzad pa mtha' dag yongs su rdzogs shing 'di na bya ba rgyun mi 'chadchad pa'i tshul che long tsam brjod pa'i gtam gyi sbarba rlabs gyen du bskyod pa'i rim pa'o// //
mjug bsngo smon gyis mtshams sbyar ba'i gtam
de ltar yon tan nor bus yongs gang