[A:68]gzugs byad lang tsho phun sum tshogs shing sgyu rtsal sna tshogs la mkhas pa bdun cu rtsa gnyis yod pa'i nang du slob dpon gyis zhugs pas/ nyul le ma dha ra ha rnams kyis mthong nas rgyal po la zhus pas/ zungs la shog gsungs/ 'dzin du song bas/ kho khang pa la sogs la bzang thal du song ste/ ma zin pa zhus pas dmag bskul gsungs/ dmag 'tshogs pa dang / rgyal po rta thog tu byon te/ dmag gi rim pa mang po bskor bas/ slob dpon dpag tu med par sprul te/ gang la rdeg ma shes pas/ grub rtags bstan par go ste/ rgyal po'i rin po che'i cod pan phul/ zhabs spyi bor blangs te rjes su 'dzin par zhus pas/ rgyal po 'bangs 'khor dang bcas pa rdo rje theg pa la btsud/ slob dpon nag po kam pa bas lo bcu gnyis su bshad sgrub kyi bya ba la brtson par mdzad pas/ rgyal po 'khor bcas mang pos grub pa thob bo/ /
de nas rnal 'byor dbang phyug dpon slob gsum gyis rgya gar shar phyogs dang lho phyogs kyi mtshams na/ thugs rje chen po'i sku rang byon gcig bzhugs pa'i drung du byon te/ phyag dang mchod pa sngon du 'gro bas bdag gi sangs rgyas kyi bstan pa la bya ba 'di lta bu byas zhes zhus pas/ jo bo'i zhal nas rigs kyi bu/ khyod kyi nus pas ri rab kyang rdul du rlog par nus te/ las kyi dbang gis sems can mos pa sna tshogs pa sangs rgyas kyis kyang dus gcig la 'dul bar dka' bas/ byams snying rje dang ldan pas sems can la gnod pa spongs gsungs/
slob dpon gyis lho nub so wa na tha na gzhon nu karti ka'i rten rang byung gcig la nyi ma