[A:70]bzlas pas/ rang gzugs bstan/ slob dpon gyi zhabs spyi bor blangs te/ ci gsung dam las mi 'da' bas rjes su 'dzin par zhu zhus pas/ gnas der gtsug lag khang sangs rgyas kyi sku gsung thugs kyi rten gyi gang ba gcig bzhengs/ de'i sgo gong du nga'i sku 'dra bag gcig byas/ dge 'dun brgya phrag re'i zhabs tog bskal pa'i bar du bsgrub/ mchod pa'i srog chags rnams tshe thar/ yan du 'jug dkar gsum mngar gsum gyi phud gsum chas sangs rgyas/ sum chas khyod la mchod pa 'bul/ sman pa rnams sdug 'phong dang bya khyi la sogs la longs spyod du 'jug na bzhag bzlas pas/ de ltar khas blang dam bca' ste/ kho skad cig la rang gi gnas su song nas/ sang tho rangs kho rang gi yon bdag nub ti sha la'i rgyal po la rang gzugs bstan nas 'di ltar mi 'grub na/ khyod mnga' ris dang bcas pa myur du brlag par 'gyur ro/ /zhes bzlas pas/ rgyal po tsandra de was zla ba drug la de thams cad bsgrub pa khas blang / dam bcas so/ /slob dpon gnas der byon pa la rgyal po 'khor dang bcas pas bsu ba bsnyen bkur phun sum tshogs pa byas/ zhabs spyi bor blangs/ yab yum sras lcam thams cad rdo rje theg pa'i sgo ru zhugs te/ sngar khas blangs pa thams cad dus la bsgrubs/ dharma pa la man ngag gi bka' lung bsgrub pa'i lung gis bar yongs su rdzogs par gnang nas/ 'di rnams kyi ngo sprod nyams len gags sel bogs 'don la bzlo'i gnad rnams nag po pa'i drung du song la zhus/ shar phyogs kyi sems can rnams rdo rje'i theg pa la