[A:73]gzab/ zhabs spyi bor blangs rjes su 'dzin par zhus pas dbang bskur gdam pa'i bshad khrid gnang / rgyal srid sras po che ba la btad de shar mkha' 'gro mnyes pa'i brag phug tu bsgrubs pas mngon shes rdzu 'phrul brnyes/ dur khrod chen po brgyad la sogs par gsang spyod bskyangs te 'khor 'das ro mnyam pa/ slar pho brang gnyis par sbas pa'i rnal 'byor gyis gnyis spangs kyi spyod pa bskyangs pas a wa dhU ti pa'o/ /
rnal 'byor gyi dbang phyug dha ma pa'i gsung gis shar bhaM ga la'i rgyal po ru pa tsaNDa akShe'i yi ge ba chen po ga ya dha ra pa ta si zhes pa gnas lnga rig pa'i paNDi ta chen po sngags mtshan nyid thams cad kyi bdag po de'i rgyud byin gyis rlobs shig gsungs te/ khyed man ngag zhus nas nyams su len pa'i dus la bab na nga can shog zer ba'i yi ge bskur ba'i pho nya mngags pas/ rang gi mtshan bltas bzang po dang mthun te/ a wa dhu ti pa'i drung du 'ong / mjal phyag dang bsnyen bkur sngon du 'gro bas/ zhabs spyi bor blangs/ rjes su 'dzin par zhus pas bka' yis gnang / dbang bskur man ngag gi bshad khrid gnang / bsgrub pa'i lung sbyin/ sbas pa'i rnal 'byor gyis bsgrubs pas 'khor 'das rmi lam sgyu mar rtogs/ sbyin sreg gi thab tu dkyil 'khor yongs rdzogs gzigs pas/ phrin las bzhi la thogs pa med/ rdo rje dril ba nam mkha' la 'jog nam mkhar skyil krung 'cha'/ 'pho ba dang grong 'jug 'byongs pas paNDi ta'i rnal 'byor pa chen po ga ya dha ra pa si/ rgyal po chen po gnyis spang pa'i gsung gis