[A:10]nas chos la bcug pa yin rigs sor chud pa la rigs dbyung gi cho ga dgos gsung
snyan pa'i grags pa che bas/ gro mo na tshur spyan 'dren du 'ongs pa la lam du 'jigs pa che bas gser btso thod pa bam ril gyi ltag khung du blugs te la chas kha bcad nas btsag dang rams kyi ri mo byas te 'ongs pa la/ mon kun na re bod kyi lha 'dre thams cad lho bal du song zer ro/ /de tsam na gro mo na jo bo gha ya dha ra bzhugs pa dang chu 'gram gcig tu
mjal nas lo rgyus dris pas/ nga rgyal ba mai tri ba yin gsungs pa dang / chos kyang mkhas gdam ngag kyang che bar 'dug pas mgu nas spyan drangs te bod du byon pa'i lam kar sngar gyi mon kun na re kha ning song ba'i 'dre yin zer ba de kun bod kyi lo tsA ba gser mang po khyer nas paNDi ta spyan drangs nas yong gin yod par 'dug zer nas/ lam thams cad na sgugs nas yod pa'i gtam lo tsA bas thos nas/ lo tsA ba dpon g.yog gis gros byas 'gos kyi slob ma shes rab smon lam na re/ bla ma lo paN
mi bzhugs na bod thams cad kyi mig dus gcig la long ba dang 'dra ba yin pas/ ngas bla mar rdzus la 'gro zer nas lo tsA ba dang se gnyis cha lugs brjes te/ lo tsA bas mu lto bar brdzus pas thar/ se bla ma la gus pa dang sems bskyed bzang po'i stobs kyis ma sod par thar skad/ spyir bod du bla ma'i don du srog gtong nus pa se shes rab smon las ma byung gsungs/ der lo paN gyis bod du byon pas go yul du
/ jo bo gha ya dha ra'i sngar gyi slob ma kun dang phrad pas/ rgyal sras mai tri ba min par 'dug pas/ 'gos kyis bla mas nga la brdzun byas zhes smras