[A:14]dkon mchog rgyal po/
khong gnyis yid kyang bcug
sa skya'i 'khon dkon mchog rgyal po/ phyi tshar mnga' ris pa gsal ba'i snying po dang lnga yin no/ /gdam ngag tshar ba'i slob ma gsum ni 'brom des pa ston chung / lha btsun ka li/ se ston kun rig ste gsum mo/ /grub pa thob pa'i slob ma pho gsum mo bzhi ste/ de yang pho gsum ni gtsang pa
dgyer se'o/ rta nag pa
gshen sgom rog po/ dbus pa khong gyag kher chen po gcig yin rlung gi nus pas zas mang po 'ju ba gcig byung / de rlung spu gri stobs su gyur pa yin/ phyi'i spu gri dang nang gi gnyis las nang gi yin na 'di la yang yon tan gcod par byed pa dang / kha zas gcod par byed pa gnyis las kha zas gcod par byed pa'i spu gri stobs su gyur pa yin chos rjes gsungs/ khong la 'tsho ba yang bla chen gyis gnang ste/ nas phul dgu la byas pa'i zan re/ lug sha gzugs re/ chang shu re byin kyin bsgom du bcug pas grub pa thob byung gsungs/
grod po che'o 'phan yul 'jag thang pa'i gyad po yin no
/ /mo bzhi ni stod mo rdo rje mtsho/ dbrad sgom ma dkon ne/ shab pa mo lcam gcig mched mo nam mkha'o/ /de la stod mo yul mang 'gar dgra 'dul ma yin khams byung nas bu khyo tso bsad nor khyer bas rkyen byas nas snying rlung byung ste/ shes pa smyo nas yod tsam na/ de bla chen gyis gsan nas de nga'i tsar byung na sdug bsngal nyid ting nge 'dzin du grol shes pa yin te gsungs/
bla chen gyi spyan sngar 'ongs nas dbang bskur ba byas gdam ngag bstan pas smyo ba sangs nas sdug bsngal nyid ting nge 'dzin du bkral bas
ting nge 'dzin dpag tu med pa skyes te/ las 'phro can rang gi ngang gis khams 'dus pas tshe 'di nyid la lus ma spangs par phyag rgya chen po u rgyan du gshegs
grub bo/ /yang dbrad mo dkon ne yul mang 'gar