[A:22]dbang bskur la yo byad mang po dgos
kyang ma 'ongs pa na phan thogs 'ong ba dgongs
gsungs/ de nas rje se la dran pa gcig pa'i sgrub thabs dang / rtsa ltung gi chos gcig gsung nas yang sku 'tshams la bzhugs te/ 'khor rnying pa 'ga' re ma gtogs pa su dang yang mi mjal skad/ khang pa'i nang du khrid la sogs pa chos thun re tsam las mi gsung / de tsam na gsung ngag gi chos thun re la mchod pa re dgos/ mi gnyis su longs pa la lam 'bras mi gsung ste/ rna bzhi pa la gdam ngag mi bshad rna ba drug pa sngags kyis dben
gsung ngo / /de'i dus su dge bshes dkon mchog rgyal pos sa skyar mi bcu bdun la brtag pa gnyis pa bshad pas/ bla mas 'phrin bskur te rtsa ba'i rgyud nyan po mi bcu bdun la bshad pa khyod la rdo rje'i srog yod dam zhes bka' bkyon mdzad/ khyad par du gsung ngag rin po che 'di la gces spras su 'dzin te/ bka' shin tu dam pa'i stobs kyis lo gcig tu chos ni ma byung / 'on kyang bla ma ses der bsdad nas yod tsam na tshogs 'khor gcig gi gral du kha cig na re/ byang pa'i rnal 'byor pa de glu mkhas par gda' nang du 'bod dam byas pas/ bla chen gyi zhal nas de su yin gsung ba la sngar kyi lo rgyus rnams bsnyad pas/ de da rung ma song bar 'dug gam nang du bos gsung nas bos pas/ khyod de tsam du ci la sdod gsungs pa la rje la gsung ngag rin po che zhu ba lags byas pas/ gdam ngag 'dod na nor khyer la shog gsungs/ de nas rje se yis yul du byon te/ khong pa rang bza' tsho'i gnag smad sum cu tsam spyi la yod pa de'i gnag rdzi byed cing / khong