[A:24]yin/ chos blo la zin pa de skyug tu ni mi 'dod da ji ltar bya zer nas zhabs thog bsnan te phyis bla chen nyid la'ang legs par zhus so/ /bla chen gyi zhal nas se lce la re 'di la nga'i gdam ngag rnams ma tshor bar shor gsungs pa la/ se bshums te ngos kyang bu ma lags sam zhes zhus pas/ ngas ku re byas pa yin khyod la
gdam ngag
mi ster na su la ster gsungs/ de ltar lo bco brgyad lhag tsam gyi bar la gdam ngag rim gyis gnang ste/ thams cad tshar nas de'i rjes su lam bsdus te bsgrub pa'i lung sbyin pa mdzad pas bum pa gang byo'i tshul du thams cad yongs su rdzogs par thob ces grags so/ /de nas gzhung gi bshad pa zhus pas bla chen gyi zhal nas ngas
bla ma gcig gi drung du gzhung tshar ba'i slob ma la gdam ngag mi bshad/ gdam ngag tshar ba'i slob ma la gzhung mi bshad pa'i dam bca' byas pa yin pas khyod gzhung nyan na sa skyar song gsungs nas ma gnang / ses kyang sa skyar lo bzhi gzhung gi bshad pa dge bshes dkon mchog rgyal po la tshar bar bslabs so/ /de lta bu'i rje se de la yon tan gyi khyad par ci mnga' zhe na/ bskyed rim la brtan pa cung zad thob khyad par du
rtsa sngags kyi sgo nas nus pa brnyes te/ 'khar chung gi klu srin mo shin tu thu ba gcig yod pa de btul nas gnas kyang spos/ ci bsgo ba nyan zhing de dbang du 'dus so/ /des gnod pa byas te glo bur du 'dze byung ba kun bla ma'i phyag gis reg pa tsam gyis sos sku'i bkod pa du ma yang mdzad/ ston mo byung ba thams cad kyi gral 'go la se spyan 'dren pa la nyin gcig la ston mo du byung yang thams cad kyi gral 'gor se 'ong gsungs
so/ /de lta bu'i rje se