[A:28]bas zhu 'tshal/ zhar la kho bo cag kyang zhu ba lags byas pas zha ma na re jo jo 'di ci gsung nged cag gis 'khor gsum yongs dag lan gsum byas byang dang ra dang chung tshun chad bskor/ jag dmar gyi gos rkyang pa re las med par phul bas grang grags nas lam du g.yag gi skyibs 'jo zhing 'ongs ci yod phul nas zhus pa yin/
rje la gdam ngag yod zer te 'dug kyang 'dug
rjes kyang thugs la btags nas gsung ngag 'di tshar bar gnang ba yin/ 'di tsho las mang ba dgos kyang mi dgos/ da dung yod pa skad gsung yang rje nyid brdzun gsung ba yin zer nas ma nyan par yul du song ngo / /des na yongs su rdzogs pa med de lam 'bras kyi lta ba 'khor 'das dbyer med yin pa la sde snod spyi mthun zer/ kye rdor dbang bskur pa rnal 'byor dbang phyug nas rgyud pa'i dbang chu med par nag po pa la byed/ mngon rtogs rgyas pa bsnyen sgrub bzhis mi 'ching bar mtsho skyes dngos zer ba rnams so/
gdam ngag 'bring du thob ces grags so/ /'on kyang jo mo zha chung ma des bsgoms pas ting nge 'dzin dpag tu med pa skyes te/ thun mong gi dngos grub mngon shes brtan po yang yod skad/ rdzu 'phrul lus gcig nas gcig tu sprul ba dang nam mkha' la skyil krung 'cha' ba la sogs pa bla ma zhu byas kyis kyang gzigs skad/ rje dgon pa ba'i zhal nas zha chung ma 'di tshe 'di la lus ma spangs par phyag rgya chen po 'grub pa lcam legs smin ka ra tsam gcig 'ong ba
yin pa la/ nyams dbyangs la dga' ches pas lam gyi bar chad du song gsungs so/ /de la tha mar thob pa ni pha drug gi smad na bong shod
sen thog bsgom tsho'i dpon ze sgom byang seng zhes pa de la bag tsam 'phel te/ zhib tu