[A:34]pa thams cad gsan
pas bla chen gyis chos tshar res mkhyen/ ngas mi tshe phyi ba'i chos tshar res shes su re ba gsungs/ 'jigs byed kyi rtog pa bdun pa'i yi ge btu ba gcig 'khor tshos ma shes pa la bla chen gyis mkhyen pas/ shes na dga' bas ma shes ma shes kyang chog pas shes zer/ bla chen mar byon khar nga'i chos sangs rgya ba'i chos yin/ ra bar slu gu la bal bkris pa ma byed gsungs/ de 'dra ga na bgyid byas/ mar byon nas g.yas ru nas gser srang bcu bdun rnyed/ sngags pa gcig la bskur nas 'bul du btang / ston mo byed pa gcig gi sar slebs/ mjal byas pas zas byin gsungs/ sa skya pa'i 'bul ba yod byas pas/ ji tsam yod yang yang dris pas/ srang bcu bdun bdog byas pas/ bla ma rang byon/ 'bul ba'i steng du'ang bla mas gser srang gang bsnan nas tshogs su phul cig gsungs/ mnyes nas kho dam tshig par 'dug yar shog gyis/ chos kyi gsham yod zer/ yar byon pas chos kyi gsham yan lag brgyad/ dkon rtsegs kyi lung / mgon po'i rjes gnang sgrub thabs gnang / de'i rten dar nag dang lcags kyi rdo rje gnang / nag po chen po nga la 'dir mi dgos/ 'khon sa skya pa'i chos skyong la rgyugs gsungs/
nas mar byon te/ sngar gyi gsung ngag gsan par bzhed nas rje se'i slob ma la su drag ces dris pas/ mi rnams na re zha ma ba la ni chos rdzogs pa med
zhang ston mched gnyis drag ste gcung po ni mi bzhugs/ gcen po chos 'bar bzhugs zhes thos so/ /der bzhud par bzhed nas bla ma kha'u ba la 'gro bar zhus pas/ kha'u ba'i zhal nas sgom chen pa 'dra brdzun che ba yin/ gdam ngag dang po slob mar mi chod skog chod nas de las yod ri ba skad zer
ci yang yod de mi mchis/ nyid rang dad pa yod na gsang ba 'dus pa'i sgrub thabs tha ga bas mdzad pa'i
bstan pa'i nor rdzas bsgoms gsungs nas ma gnang ba la/ dngos la yid ches gcig bdog pa