[A:36]song /
da lta 'di na pan chen dang pan chung dang mar lo la sogs pa chos 'khor byed pa'i mar lo rin chen bzang po dang kha che pan chen paN chung spyan drangs
dus su/ sgom chen pa'i nyan bshad tshul dang mi mthun pas/ sang phod dgun spyon chos tsho legs par tshar ba bgyi gsungs/ des na bla chen gyi zhal nas 'od mchog gi pha 'di nga la drin che gsungs so/ /de nas yar byon te phyis dgun dings su byon nas dbang bskur ba zhus/ gsung ngag nyan pa'i sngon du maNDal dang yi ge brgya pa'i khrid legs par tshar nas/ nang par gsung ngag gsung ba'i nub mo rje zhang gi ljags bsnyung nas chos gsung ba ma byung ba la/ rje'i zhal nas 'u cag gnyis kyi bar na dam tshig gi zel gcig yod par 'dug pas da dung yi ge brgya pa thon gsungs/ bla ma'i thugs dgongs la gzhan ni nyes pa med sngar zhu ba'i dus su nged rdzogs chen pa yin lam 'bras mi shes gsungs pa la/ 'o na mi shes sam snyam pa'i rtog pa gcig byung bas des nyes sam dgongs nas de la dmigs te yi ge brgya pa bton pas bla ma'i ljags bsnyung ba de dngas nas/ chos gsung ba'i dus su yi ge ni med
dka' ba'i gnas 'ga' zhig la rdo ba'i rtse mos phyag la zin bris byas pas rje'i zhal nas/ snyan rgyud zab po la
de rtsug ma mdzad thugs dam la gnod pa lags gsungs nas ma gnang / de ltar sdom pas lo bzhi'i bar du gsung ngag rin po che rtsa ba dang yan lag dang bcas pa yongs su rdzogs par bla ma brgyud pa'i dam tshig gi rim pa la dgongs nas gnang ste/ de'i rjes la lam bsdus te bsgrub pa'i lung sbyin pa mdzad nas/ bka' rgya btab