[A:38]nyan pa zer bas/ snyan bkab
nas
de skad mi gsung bar zhu/ bdag rang la dgongs pa gcig bdog gis gsungs/ phyis bla ma sku gshegs khar sa skya ba bos la shog gsungs nas mi btang bas bla chen gyis kyang rings par byon te/ dings kyi phur sleb tsam na spang dug pas bla ma dbu bsnyung nas der nub mo bsdad/ nang par byon tsam na de'i nub mo sku gshegs nas 'dug de nas gdung bzhu ba la sogs pa rjes kyi bya ba rnams tshar nas/ phyag dpe kun ma gzigs par gdung bzhugs pa'i bla ma zhang gi ma gcig na re/ a po bya ba 'di 'dra la dga' ba yin khyer zer nas shog ka li gcig na chos bral brul mang rab gcig gtad nas bltas pas rtsa gnas 'dir rlung sems 'dus na nyams 'di 'byung zhes pa'i rdo rje lus kyi gnas lugs ston pa'i dpe 'dug ste/ sngar ma gnang ba'i chos byung na bla ma la ma gus pa skyes kyis dogs nas dar yug ser po gcig gis dril nas
mchod rten du bzhugs skad/ rje dgon pa'i lung bstan dang bla ma sgyi chu ba la dbang bskur zhus pa'i sta gon gyi nub mo'i mnal lam gnyis mthun par byung ste/ de yang sta gon gyi dus su mnal lam du chu bo chen po gcig la srid pa'i rgya mtsho yin zer ba'i mtsho dmar po gcig
zam pa gsum 'dug pa la bsgral rgyu mi mang po 'dug pa'i tshu rol nas nged cag chu 'di las bsgral bar zhu zer ba la/ bla chen gyis mi mang po gcig zam pa gcig la bsgral/ yang mi bdun tsam zam pa gnyis las bsgral/ mi gsum zam pa gsum ka'i pha rol du bsgral ba dang cung zad bsnyel te ma la ya'i ri yin zer ba gcig la
nyi ma la ngal bso ba snyam byed pa gcig rmis nas bla ma sgyi chu ba la zhus pas khong gi zhal nas/ khyod kyi 'khos kas mi gsum