[A:39]las gang na sgrol ces ku re'ang gsungs/ de'ang zam pa gsum las mi gsum bsgral ba ni lus ma spangs par grub pa thob pa gsum ste/ gcig sing ga la'i gling phran nas mkhan po
dgra bcom pa gcig gis
nyan thos sen tha ba gcig kha bstan nas/ bod na rnal 'byor dbang phyug gi sprul pa sa skya pa bya ba yod kyis song zer nas
a tsa ra gnyis 'ongs pa la gcig bal po nas log gcig gis bla chen gung thang na la tse gnas po che na bzhugs tsam na slebs nas dbang bskur ba zhus/ dbang yon du ga gu ya zhes pa'i zab chen gyi bla re bzang po gcig phul/ de nas khrid la sogs pa rim gyis byas pas de'i nang nas kyang sbas bshad bstan pas zla ba gcig nas
ting nge 'dzin dpag tu med pa skyes nas bden pa mthong ste dpal u rgyan
gyi ri la song skad/ gcig ni 'phrang 'og gi sgom pa kyi 'bar zhes pa ste/ des kyang dbang dang gdam ngag zhus nas bsgoms pas ting nge 'dzin du ma skyes/ mngon shes brtan po dang rdzu 'phrul ci rigs pa yod tsam na/ bla chen sku gshegs nas khrid kyi 'phro dge bshes gnyan phul chung ba la bskyangs pas/ phyis kho bo lho phyogs dpal gyi ri la 'gro zer nas song gsungs/ gcig ni byang chub sems dpa' stag yin gsung ste thod rgal gyi lam gyis 'gro ba nyams skyon med kho na skye ba mtsho snying ma hA dhe'ur gshegs
sku ni re shig bor/ phyis lus de nyid la zhugs nas lus ma spangs par grub pa thob ces zer ro/ /la la na re dge bshes gnyag gis bzang rgyud kyi 'brog gseb tu byon tsa na
bla ma chen po tshar kar bzhugs pa'i dus kyi slob ma yin zer ba'i bzang rgyud kyi 'brog pa'i gseb na rnal