[A:45]dogs med gsungs/ yang gog thul thul ba'i dus na sa la phyag mdzub kyis na ga ra dang lan tsha la sogs pa'i rgya yig bris kyin klog pa'i tshul mdzad kyin bsubs kyin gtong ba byung gsungs/ rgya yig bod yig gnyis ma bslabs par snga mor shes 'dug te/ thog mar 'di shes dran pa mi 'dug gsungs
/ bag re shes par nus zhes thos so/ /gzhan yang spyod lam phun sum tshogs pa ni kun gyi yid du 'ong ste zhi ba dang / dul ba dang ngang rgyud bzang ba dang / 'jam pa dang ran par smra ba yid gzhungs pa dang / yon tan la ched cher 'dzin pa dang / bla ma dang rgan rim la gus pa dang zhe sa dang rim gro che zhing dbang po mi rgod pa dang / sems can la snying brtse bar gyur to/ /de nas cher skyes pa dang yi ge'i rigs dang rgya klog dang bod klog dang rtsis kyi bye brag dang / gso spyad dang ri mo la sogs pa bzo'i bye brag sna tshogs pa dag ma bslab par phul du byung ba mkhyen nas 'jig rten pa kun ngo mtshar du gyur cing kun gyis sngags so/ /de nas chos kyi rje de nyid la yab mes kyi chos thams cad legs par gsan zhing thugs su chud par mdzad nas dgung lo dgu lon brgyad pa zer
pa la mtsho skyes gsungs/ bcu gnyis pa la brtag gnyis gsungs/ bcu bzhi pa la saM bhu Ti gsungs/ bco lnga lon pa dang yab mes kyi chos thams cad thugs su chud
slob grwa'i skye bo phal po che thams cad ngo mtshar du gyur to/ /de nas bzung ste gzhung chen po rnams kyang ji lta ba bzhin gsungs pas rang gi slob ma rnams la blo gros kyi mig rnam par brtsal to/ /de nas dgung lo bco brgyad pa'i dus su mnal lam du sa skya'i ltag gi bla chen gyi yum gyi mchod rten gyi drung du