[A:48]mkhan po zhus/ slob dpon spyi bo lhas pa la las chog zhus/ dge bshes zhus gsang sde ston pa mdzad nas/ nyang smad rgyan gong gi gtsug lag khang du
zer kyang der dbu skra bzhar/ na bza' gsol ba ma gtogs pa/ sdom pa nyungs chung du blangs
dge slong gi dge 'dun rgya mtsho'i dbus su rab tu byon te/ rnyog pa med pa'i tshul khrims kyis mdzes par byas rje pa yang rab tu byung ba la mnyes pas da rab tu byung nas bya cha dang bsrung sdom la brtson par gyis gsungs nas chos rje pa'i drung du jo gdan thu mo gcig bzhag nas 'phral gyi gsol lugs/ bzhugs tshul tshun chod la skyon gtong ba gcig yod gsungs
so/ /yang mkhan po de nyid la snga phyir chos gsan pa ni tshad ma rab tu byed pa sde bdun la sde gsum rgyan dang chos mchog la sogs pa'i 'grel pa chen po yan lag dang bcas pa thams cad gsan/ rgyan dang chos mchog cung ma rdzogs pa phyis paNDi ta gzhan la gsan/ yang bla chen de nyid la mngon pa mdzod dang / 'dul ba mdo rtsa dang / so sor thar pa dang / dge slong gi ka ri ka la sogs pa 'dul ba'i phran dang bcas pa thams cad gsan no/ /yang de nyid la dpal dus kyi 'khor lo'i 'grel pa dri ma med pa'i 'od stong phrag bcu gnyis pa la sogs pa yan lag dang bcas pa gsan no/ /gzhan yang bde mchog dang gsang ba 'dus pa 'phags skor dang / ye shes zhabs kyi skor la sogs pa yang gsan te/ de rnams kyi dbang bskur ba yang zhus shing thams cad thugs su chud par mdzad do/ /de'i rjes su slob dpon spyi bo lhas pa la pha rol tu phyin pa brgyad stong pa dang nyi khri 'grel pa man chad dang / mngon pa kun las btus pa la sogs pa spyod phyogs
dang gsang