[A:49]sngags kyi gdam ngag phra mo 'ga' zhig dang / bka' gdams la sogs pa thams cad gsan no/ /gzhan yang thugs dam la gzhol bas ting nge 'dzin du ma la mnga' brnyes te/ phyi nang gi rten 'brel zab mo'i 'gros thugs su chud pa'i stobs kyis ma 'ongs pa'i don 'ga' zhig 'di ltar 'byung zhes lung ston pa rnams
ni slob ma nyung se las med dus su nga dus phyis skad rigs mi gcig pa'i sa gcig tu phyin nas bstan pa la bag tsam phan pa gcig 'ong bya ba gsung ste thog tu babs
de kho na bzhin du 'byung ba mthong ba dang gzhan yang 'jam dbyangs mnyes pa'i mdzad pa'i rtags thun mong ma yin pa dang skabs 'ga' zhig tu thugs dam mdzad pas ting nge 'dzin bsam gyis mi khyab pa byung ste tha mal gyi rtog pa ye ma byung ba dang / mi mang po'i gseb tu gzigs rtogs la sogs pa gang mdzad kyang gzhan rkyen gyis g.yeng bar mi nus pa la sogs pa yon tan bsam gyis mi khyab pa mnga' 'o/ /
byin rlabs kyi shugs shin tu che ba ste/ gsol ba btab na 'dod pa'i don 'grub pa'i mthu phun sum tshogs pa dang yang ldan no/ /mdor na rig pa'i gnas lnga mkhyen pa rgya mtsho'i pha rol tu phyin pas yongs su rdzogs pa'i paNDi ta chen por gyur te/ rtogs pa'i ting 'dzin du ma brnyes pas snyan pa'i grags pas phyogs kun tu khyab cing gdul bya'i skye bo dpag tu med pa smin cing grol bar mdzad la/ gzhan yang 'chad pa dang rtsod pa dang rtsom pa la sogs pa mkhas pa'i bya ba gsum la rab tu mkhas pa'i bdag nyid chen po 'di ni rab tu gus pas bsten par bya'o/ /de nas dgung lo bdun cu bzhes pa dang shing pho phag smal pa'i zla ba'i tshes bcu bzhi la rgyal sa byang ngos su bde bar gshegs so
/ /'di'i rnam par thar pa