[A:6]kyis brgyan pa gcig gis bsod snyoms 'dren pa mthong bas/ de la dad pa dang ngo mtshar cher skyes nas 'di dngos grub thob pa gcig 'dug snyam te/ dge slong de la phyag dang bskor ba dang bsnyen bskur mdzad nas/ bdag rjes su gzung bar zhu byas pas
ci don du gnyer zer/ chos gnyer de nas kyang gsang sngags gnyer byas pas/ dbang bskur dgos zer/ sngar bal po dang shan ti pa la thob byas pas/ des mi phan nga rang gi dgos zer/ de chos rjes pa na re 'thad de da lta de skad byas na mi nyan 'dug gsung /
des gnang nas dbang bskur ba mdzad/ slob dpon de'i mtshan pra dznya intra ru dzi zhes pa bod skad du bsgyur na/ shes rab dbang po mdzes pa/ gsang mtshan dpa' bo rdo rje zhes pa ste mu gu lung du byon rin chen 'bar ba mdzad/ gangs mthong 'gro gsung nas nyi zer la chibs nas gshegs
/ des na dge slong dpa' bo rdo rje zhes yongs su grags so/ /de lta bu de la kyai rdo rje rgyud gsum slob dpon Dom bhi ba'i rjes gnang dang bcas pa'i sgrub thabs dang 'grel pa'i skor thams cad kyang gsan/ lam 'bras rtsa ba lam 'bring po la zer
med pa gcig kyang gsan/ bsam mi khyab la sogs pa'i lam skor 'ga' zhig
kyang gsan zhing lo bzhi bzhugs skad spyan ras gzigs la yang mjal lo
/ /slob dpon shanti bas dge slong dpa' bo rdo rje'i gsang sngags kyi bshad srol legs shing gdam ngag kyang che bar dgongs gsung ste shanti ba'i sde snod spyi dang bstun pa'i rgya che bar byung / dpa' bo rdo rje'i nyams su blang bde ba man ngag tu dril nas byung / de nyid kyis phyi nang gi sgro 'dogs kun chod pas thugs shin tu bde
/ spyir bal po dang rgya gar gnyis su lo bcu gsum bzhugs gsungs/ de nas stag 'brog gnyis kyis tshur bod du byon rgya gar nas bal yul