[A:22a]gzigs/ 'on kyang khyod gsung thos pa'i bdud rtsi yi/ srog gi lhag ma cung zad brtas par gyur/ legs par bsam tshe nang don rig pa'i sgo/ mi 'gags blo yis snang blo 'di ltar shar/ rang sems rin chen yongs su dag pa 'di/ lha dang bla ma yin par rgyal bas gsungs/ sems nyid stong ba'i rang zhal lta ba 'di/ bla ma chos sku'i rang zhal lags par sems/ tshul 'di bla ma'i yon tan dbyar skyes rnga/ snying la son pa'i skal ldan gtsug phud can/ dad pa'i spu long g.yos nas gang de'i sras/ kun dga' grol
mchog
yid kyi pad mtshor shar/ dge tshogs gang des bdag sogs gdul sogs gdul bya rnams/ skye dang skye bar bla ma paNDi ta'i/ zhabs rdul ze 'bru spyi bos len byed cing / gdams pa'i gsung las thob par shog ces rtsa ba'i bla ma yongs rdzogs bstan pa'i bdag po a mo gha sidhi'i rnam par thar pa ngo mtshar dad pa'i/ glang po skul pa'i lcags kyu