[A:76]chen chos kyi rje la gsol ba 'debs/ /
nam mkha' mdzod kun dga' blo gros
kun dga' rnam rgyal thugs rje'i chu 'dzin las/ /byung ba'i blo gros bdud rtsi'i char chen gyis/ /dpal ldan rdo rje gdan pa'i bstan pa'i rgyun/ /dbyar gyi mtsho ltar spel mdzad de la 'dud/ /dpon slob rin chen rgya mtsho
dkon mchog rin chen gsum gyis byin gyis rlabs/ /drin can bla ma rnams kyis rjes bzung ba'i/ /bstan 'gro'i dpal gyur rab 'byams chos kyi rje/ /rin chen rgya mtsho'i zhabs la gsol ba 'debs/ /rig 'dzin padma 'phrin las kyis 'phrin las rnam rgyal pa la bstod pa
khyab bdag rdo rje 'chang gi 'phrin las pa/ /phyogs las rnam rgyal gsang chen chos kyi gter/ /dkyil 'khor 'khor lo'i mgon po bla ma mchog /gsol ba 'debs so byin gyis brlabs tu gsol/ /bu slob rnams kyis 'phrin las pa la bstod pa
bla ma yi dam sangs rgyas bzhugs pa'i gnas/ /dam chos dge 'dun chos srung 'dus pa'i brten/ /'phrin las rnam mang rgyal ba'i bstan 'dzin dpal/ /bzang po 'gro ba'i mgon la gsol ba 'debs/ /rnam mkhyen grong kun dga' bzang po
kun mkhyen rgyal ba'i ring lugs bla na med/ /dga' chen he ru ka yi zlos gar gyis/ /sdom brtson dam pa gsum ldan rdo rje 'dzin/ /dpal ldan skal pa bzang por gsol ba 'debs/ /rnam rgyal bkra shis
rnam dag rgyal ba'i chos phung dri med du/ /bkra shis g.yas su 'khyil ba chos kyi sgra/ /gangs can blo gsal rna bar cher bsgrags pas/ /phan bde'i dga' ston spel la gsol ba 'debs/ /phun tshogs legs byas stong gis bskrun pa'i sku/ /'phags pa