[A:26a]gyis/ /kun la rtag tu yid bde'i dga' ston stsol/ /sras kyi tha chung bdag la'ang mjal re bzhin/ /dges pa'i bzhad sgras bsus nas lus kyi gnas/ /phyag gis nyed sogs brtse bas nyer dgongs te/ /thugs phebs byams pa'i gsung gis lan brgyar bskyangs/ /khyad par dpal ldan sa skya'i chos srid kyi/ /ma 'ongs bstan pa'i bdag por khyod 'gyur zhes/ /lung bstan ji bzhin kun gyis mngon gyur pa'i/ /dus gsum sgrib med gzigs der snying nas dad/ /sprul pa'i skyes mchog khyed kyi bzhed pa'i don/ /sa skya'i sde dang bstan pa gdung brgyud bcas/ /yar ngo'i zla ltar 'phel zhing rab rgyas nas/ /bdag gzhan 'di phyi'i don kun lhun grub shog /chos kyi rje dpal ldan bla ma dam pa rnams las dam pa'i chos ji ltar thos pa'i tshul legs par bshad pa zab rgyas chos kun gsal ba'i nyin byed ces bya ba las yab rje sbas pa'i sangs rgyas dpal sa skya pa chen po sngags 'chang grags pa blo gros kyi zhal snga nas kyis rjes su bzung ba'i skabs te gnyis pa'o/ /
gcig zhus// ! mkhan chen a pad rin po che'i dgongs bzhed ltar gu rus zhabs zhu bgyis pa'o//