[A:68a]ting 'dzin sgo brgyar ldang zhing 'jug /
bha wa ma tu sya sdyi ti a ha U na me/srid pa nyam nga'i gnas 'dir dman bdag la/ /
a twaM sha ra a nya U na na asti/khyod min skyabs gzhan cung zad ma mchis so/ /
e ba e ba a sha nir sarba thA/de lta nyid na deng nas rnam kun tu/ /
2 ku ru Na sya a ba lo ki ni na A la pa pra pa dantu/thugs rje'i gzigs pa g.yel med bka' drin mdzod/ /
3 khyab bdag rdo rje 'chang dbang mus pa rje/ /sangs rgyas bstan pa'i rgyal mtshan 'dzin khyod kyi/ /mtshan gyi yi ge rna bar lhung tsam gyis/ /rab dga'i sa thob pas kyang mi 'gran pa'i/ 4 /dga' spro ting 'dzin brtan pos bdag rgyud gtams/ /mthong ba med kyang rnam pa blo yul du/ /wal wal dran pa nyin mo'i cha kun dang / /mtshan dus rmi lam du yang brjed ma gyur/ 5 /e ma dus gsum sgrib med gzigs pa yis/ /'jigs rung srid mtsho sgrol ba'i ded dpon de'i/ /zhal mthong gsung gi bdud rtsi thob pa zhig /nam zhig 'byung snyam sems pa kho na las/ 6 /yid la bya ba'i skabs gzhan 'phrogs gyur te/ /mgo la me shor bzlog lta'i brtson 'grus kyis/ /de don bsgrub pa'i thabs la rab brtson pas/ /shugs ring lam gyi ngal ba ji snyed pa/ 7 /ji mi snyam pa'i dga' spro'i ngang du gnas/ /de nyid tshe na rten 'brel gzhan dbang 'gas/ /lus ni dpal ldan sa skyar gnas mod kyang / /sems ni rigs kyi bdag po mus pa rje'i/ 8 /phyogs su yang yang rgyug la ngal ba med/ /de nas yun ring ma lon mgon khyod kyi/ /thugs rjes mngon sum zhal mthong gsung thos pa'i/ /skal pa thob tshe 'di 'dra'i ngo