[A:68b]mtshar gnas/ 9 /bden nam brdzun snyam yid gnyis khyogs la 'phyang / /dus der thog mar sdom gsum bka' drin stsal/ /der rjes zab rgyas chos kyi gter kha phye/ /tha na 'di phyir phan pa'i bslab bya dang / 10 /zang zing bskyangs pa'i drin kyang pha mtha' yas/ /khyad par dus gsum rgyal ba'i spyi gzugs che/ /'brel tshad don ldan khyod dang slob bu bdag /byang chub bar du 'bral ba med do zhes/ 11 /zhal bzhes bdud rtsis bdag blo'i bum pa bkang / /de phyir dal ba don ldan 'bras bur bcas/ /mdzad pa'i bka' drin mnyam med mgon khyod la/ /bdag gzhan lus srog longs spyod dus gsum gyi/ 12 /dge tshogs mchod sprin rgya mtshor sprul nas 'bul/ /de la brten nas bdag dang 'gro ba yis/ /bcas dang rang bzhin gyis bsdus sdig sgrib kun/ /ma lus byang nas 'di dang phyi ma'i don/ /yid la re ba ji bzhin kun 'grub ste/ /spyi dang bye brag bstan pa rin chen 'di/ /srid mtha'i bar du 'phel zhing rgyas byed cing / /'gro kun dag pa'i zhing du 'dren par shog 14 /sangs rgyas kun las lhag pa'i bka' drin can/ /rgyal ba'i 'phrin las gcig bsdus mtshan ldan gyi/ /'dren mchog khyod kyis bdag cag gdul byar bcas/ /byang chub bar du 'bral med thugs rjes skyobs/ 15 /chos kyi rje dpal ldan bla ma dam pa rnams las dam pa'i chos ji ltar thob pa'i tshul legs par bshad pa zab rgyas chos kun gsal ba'i nyin byed ces bya ba las/ khyab bdag 'khor lo'i mgon po bka' drin gzhal du med pa'i rgyal ba mus pa chen po rdo rje 'chang