[A:1b] rgya gar skad du/ sa de badzra garnA tha sha ra NaM sad dzi naH badzra dha ra mahA buddha dhwa dza pA da ma mi de he wAnma ti bhikta banda kraM taM/ bod skad du/ lha dang bcas pa'i 'gro ba'i mgon skyabs dam pa rgyal ba rdo rje 'chang chen po sangs rgyas rgyal mtshan zhabs la bdag lus ngag yid gsum gus pas 'dud par bgyi'o/ /'khor 'das brtan g.yo'i bdag po rdo rje 'chang / /gzhan ngor ngur smrig 'dzin pa'i skur sprul nas/ /mchog dang thun mong dngos grub kun stsol ba'i/ /rje btsun mus pa chen pos rtag skyongs shig /ces pa'i bstod yul dam par gyur pa bdag cag rnams kyi 'dren pa dam pa khams gsum chos kyi rgyal po/ dus gsum gyi sangs rgyas/ srid pa gsum gyi bla ma/ sku gsum gyi bdag nyid/ dkon mchog gsum gyi ngo bo/ 'jig rten gsum gyi mig gcig pu/ lha dang bcas