[A:2a]pa'i 'jig rten na rje btsun mus pa chen po sangs rgyas rgyal mtshan zhes yongs su grags pa'i ston mchog thub pa chen po'i rgyal tshab dpal ldan bla ma dam pa de nyid kyi drung du zab pa dang rgya che ba dam pa'i chos kyi bdud rtsi ji ltar thos pa'i tshul mdo tsam zhig brjod na/ thog mar bstan pa'i rtsa ba so sor thar pa dge bsnyen dang / dge tshul dang / dge slong gi sdom pa rnam par dag pa thob pa'i tshul ni/ 'phags pa'i yul na singga la zhes bya zhing / rgya nag lugs la dmar ser can du grags pa me mo sbrul gyi lo nag pa zla ba'i tshes bcu gnyis kyi snga dro'i cha la babs pa na/ dus gsum gyi rgyal ba sras dang slob mar bcas pa thams cad kyi spro ba dang / bsdud pa'i byed pa po/ don gyi slad du mtshan nas smos te rgyal ba gnyis pa rje btsun mus pa chen po sangs rgyas rgyal mtshan gyi drung du mkhan po zhus