[A:8b]tshogs/ yang bzlog nag po drag sngags spu gri'i 'khor lo/ rta mgrin gsang sgrub kyi yang bzlog rdo rje pha lam sogs ratna gling pas gter nas spyan drangs pa'i man ngag gi yig sna 'ga' zhig dang / gshin rje'i las tshogs lnga'i Da ki'i za yig rnam dgu 'khon sbyong an dar rdo lung ma spa gro skyer chu'i lha khang nas mnga' bdag nyang gis spyan drangs pa/ byang zang zang lha brag nas rig 'dzin rgod ldem pas spyan drangs pa'i gu ru thugs sgrub kyi dpe tshan nyer gcig pa/ slob bu'i 'dod pa brtag thabs kyi man ngag phyag rdor dregs pa kun 'dul la brten pa'i man ngag char 'bebs/ sprul sku padma gling pa'i gter chos/ gsol kha mtshon cha can gyi lag len nag po 'gro shes/ mngon spyod dgra bo sgrol ba'i las kun la gces pa'i lag len yig chung zab rgya can/ gu ru 'jam dpal bshes gnyen/ slob dpon padma/ gnubs sangs rgyas ye shes kyis phyi rabs bstan pa bsrung ba'i mtshon char phung po ri bo cher sbas pa zhang khrom gyis gter nas bton pa rnams thos so/ /yang bzlog de rnams ni chos rje srid gsum pas bla ma dpal sding pa la yang gsan gsungs/ 'dir smras pa/ pu Nya sA ga ra pra dzA ti shrI kSho tre/
bsod nams rgya mtshos bskrun pa'i dpal zhing du/ /
ra bI u da ya sya maNDa le ba pra kA shashtsa/nyi ma 'char ka'i dkyil 'khor ltar gsal zhing /
/karma sa hasta kandha mahA bhA sa/'phrin las 'od stong phung po cher 'bar ba/
/gu ru A nanda pA da sya padme nA ma/bla ma kun dga'i zhabs kyi padmar 'dud/
/shes bya kun la mkhyen pa'i spyan mnga' zhing / /bde stong dga' bzhi ye shes thugs mnga' ba/ /srid zhi'i dpal 'byor