[A:1b]rgya gar skad du/ swA mI ananda nA mi ka pA da ya na ma/ swa sti shrI rastu ka lyA Na mi traM pra Na ba/ bod skad du/ chos kyi rje kun dga'i mtshan can zhabs la 'dud do/ /dpal dge legs su gyur cig dge ba'i bshes gnyen la rab tu bsngags so/ /kun nas dga' ba'i mkhyen pa'i dkyil 'khor rgyas/ /dpal ldan 'chad rtsod rtsom pa'i bsil zer gyis/ /skal bzang thar pa'i dpal 'byor la 'god pa'i/ /bshes gnyen mtshan mo'i mgon de spyi bos mchod/ /ces pa'i bstod yul dam par gyur pa mkhyen rab kyi dbang phyug 'bum chen kun dga' dpal 'byor ba'i drung du dam pa'i chos kyi bka' drin mnos pa la/ thog mar/ slob dpon rin po che padma 'byung gnas kyi drung du/ ras chen dpal 'byor bzang pos dngos su gsan pa'i tshe dpag med lha bcu bdun gyi dkyil 'khor du dbang bskur