[A:140]bshad pa zab rgyas chos kun gsal ba'i nyin byed ces bya ba 'di ni/ srid gsum 'gro ba'i bla ma 'jam mgon grub pa'i dpa' bo padma'i rnam 'phrul bsod nams dbang po'i zhal snga nas dang / byang chub sems dpa' zhi ba 'tsho'i rnam par sprul pa yab rje sbas pa'i sangs rgyas sngags 'chang grags pa blo gros/ rigs thams cad dang dkyil 'khor thams cad kyi khyab bdag drug pa rdo rje sems dpa' dang dbyer ma mchis pa rgyal ba mus pa chen po rje btsun rdo rje 'chang sangs rgyas rgyal mtshan/ zab yangs chos kyi spyan ldan sprul pa'i sku rgyal ba'i sras po spyan snga kun dga' don grub/ sa skya pa'i snyan brgyud kyi gdams pa'i gter chen nyams dang rtogs pa'i mnga' bdag rje btsun bla ma dbang phyug rab brtan/ chos rje sa paN gyi sdom rgyun 'dzin pa sha chang zhal la mi reg pa sogs sku btsun pa'i mthar thug pas gnas brtan 'dul ba 'dzin pa chen po rim gnyis kyi ting nge 'dzin la thugs brtan pa chos kyi rje nags dgon pa sbyin pa grags pa/ mdo sngags rig gnas kyis bsdus pa'i shes bya'i gnas thams cad la mi 'jigs pa'i spobs pa brnyes shing / nang du yang dag pa'i zab bzhes kyi ting nge 'dzin la dbang 'byor bas snyigs dus kyi yongs 'dzin kun gyi gtsug rgyan gcig pu thams cad mkhyen pa'i bshes gnyen mkhan chen ngag dbang chos kyi grags pa la sogs te yongs 'dzin 'brel tshad don ldan gyi dam pa mang po'i bka' drin gyis nye bar bskyangs shing thugs brtse ba chen pos rjes su bzung ba'i skal ba bzang po can/ dpal sa skya pa shAkya'i dge bsnyen paNDi ta
mkhas pa
sngags 'chang ngag