[A:167]mor ma thebs pa dang / slar yang don gnyer byas nas bstan pa'i rgyun la bsam brgyud ldan yid ches can dag las chos rgyun dkon pa du ma nos pa la/ zhwa lu ba sangs rgyas dpal bzang gi bde mchog skor gyi yig cha phal cher gyi lung / dpal gyi rgyal mtshan/ byams pa chos legs kyi 'jigs byed bskyed rim gyi rnam bshad/ paN chen gung ru'i kun rig rnam bshad/ yang byams pa chos legs pa'i kyai rdor rnam bshad chen mo dang nA ro mkha' spyod kyi rnam bshad/ rje bzang po dpal ba'i lam 'bras khrid yig cha tshang / rje nyi zla seng ge'i bka' 'bum po ti gsum dkar chag nang bzhin gyi lung / mkhan chen thams cad mkhyen pa ngag dbang chos grags kyi bka' 'bum po ti drug sogs phal cher gyi lung la sogs pa gsar thob mang du byung ba'i brgyud pa phal cher ni sngar gyi thob yig chen mo 'bri dus srub lus byung ba'i gong gi bla ma so so rnams gtso che ba yin la/ de dag tu ma 'dus pa thor tsam zhig bhikShu paNDe pa dang / bhikShu ku sa li'i rigs dag las nos pa yin la/ rjes 'jug rnams kyis bstan pa bsam nas chos kyi don gnyer dang / phyogs kun tu spel ba'i lhag bsam rgyun ma chad pa gal che ba lags/ zhes pa 'di yang sngags 'chang a nandas yud tsam zhig la smras pa'o/ /phyogs dus gnas skabs kun tu bkra shis par gyur cig/ // ! mkhan chen a pad rin po che'i dgongs bzhed ltar gu rus zhabs zhu bgyis pa'o//