[A:151a]rnams/ /dus 'dir tshe ring nad med bsam don 'grub/ /bstan pa cher rgyas don gnyis mthar phyin nas/ /phyi ma lhan cig bde ba can bgrod shog /ces dpal ldan sa skya pa'i sngags phyogs kyi bstan 'dzin ngor rdzogs rnam gnyis kyi kyai rdo rje man ngag lugs kyi phyag len gyi rim pa gtso bor gyur pa'i zab mo'i gnad 'ga' zhig la bzhed tshul mi 'dra ba'i grub mtha'i rnam gzhag mdo tsam bshad pa lugs gnyis gsal ba'i nyin byed ces bya ba 'di yang / rigs ldan chos kyi rgyal po grub pa'i 'khor lo bsgyur ba 'jam pa'i dbyangs bsod nams dbang po dang / rgyal sras sbas pa'i sangs rgyas sngags 'chang grags pa blo gros/ rigs thams cad dang dkyil 'khor thams cad kyi khyab bdag drug pa rdo rje 'chang chen po nyid gzhan ngor ngur smr-ig gi bla gos 'chang ba rgyal ba mus pa chen po sangs rgyas rgyal mtshan rnams gtso bor smos pa'i yongs 'dzin bslu med du ma'i zhabs rdul spyi bos len pa shrI sa skya pa shAkya'i dge bsnyen paNDi ta
mkhas pa
sngags 'chang ngag dbang kun dga' bsod nams grags pa rgyal mtshan dpal bzang pos/ bod yul bstan pa'i mnga' bdag rje btsun sa skya pa'i yab chos kyai rdo rje man ngag lugs kyi phyag len gyi rim pa gtso bor gyur pa'i zab mo'i gnad 'ga' zhig la mkhas pa'i dbang po ngor rdzong rnam gnyis kyi grub mtha'i bzhed srol mi 'dra ba du ma snang ba'i legs bshad rnams rang dang skal ba mnyam pa'i blo gsal rnams 'jug pa bde ba'i phyir phyogs gcig tu sdebs te sa mo sbrul gyi lo zla ba gsum pa'i dmar cha'i tshes la dpal sa