[A:111b]bris sogs dang mthun pa zhig dgos rgyu yin pa la/ de dag dang mi mthun pa'i rim pa 'ga' re 'dug pas the tshom gyi gzhi yin gsung ba dang / de'i dpyad pa mdzad pa'i yi ge cung zad cig kyang yod de dpe ma rnyed/ gsung sgros 'dzin pa phyi ma rnams kyang dpyad gzhir mdzad pa de kha shas che zhes dang / 'di 'dra'i rigs can la yin min gyi shan 'byed pa shin tu dka' bar mchis zhes gsungs pa gnyis dgongs don gcig par byung yang / glo bo mkhan chen rin po che rang gi bzhed pa ltar na tshig don mun sel du khrid kyi dkar chag sa paN gyi gsung yin pa lta bu zhig bshad pa de 'dod dgos pa 'dra ste/ dri lan de nyid las de la mus srad pa sogs kyi dkar chag bsgrub pa zer ba'i yi ge sogs byas nas sa paN gyis mdzad nges pa yin zer ba'i shes byed mang po bkod pa yod tshod 'dug kyang lta rtog byas nas ji ltar yin nges pa ma byung zhing zhes gsungs pas dri lan 'di mdzad dus bsgrub pa bzhi ma gzigs la/ phyis 'di dag spyan lam du mngon nas gzigs rtog dang dpyad pas dag par mdzad nas bka' sgrub le'u'i lan 'debs su tshig don mun sel brtsams pa na sngar mdzad pa'i dri lan de las phyis mdzad pa'i tshig don mun sel 'di 'thad ldan du gzung bar bya dgos sam snyam mo/ /de ltar de dag gis ni dpal ldan sa skya pa'i bstan 'dzin ngor rdzong rnam gnyis kyi gsung ngag rin po che'i phyag len gyi rim pa 'ga' zhig las brtsams te so so'i bzhed srol rnams legs par bshad pa lugs gnyis gsal ba'i nyin byed ces bya ba 'di'ang gangs can bstan pa'i bdag po'i bstan 'dzin mtha'