[A:112a]dag la phyogs lhung dang bral ba'i dad pa chen pos nye bar len pa'i rkyen byas te legs par bshad pa re zhig de tsam mo/ /'dir smras pa/ 'dzam bu'i gling 'dir thub dbang zas gtsang sras/ /slar yang byon pa lta bu'i 'gro ba'i mgon/ /sa skya'i bla chen yab sras khu dbon bcas/ /bka' drin dran pas slar yang lan brgyar 'dud/ /gang gi bstan 'dzin mkha' la nyi zla ltar/ /'dzin ma'i khyod 'dir ngor rdzong rnam gnyis zhes/ /snyan grags skye bo kun gyi khar rgyu ba'i/ /'gran bral skyes bu'i mchog rnams bsngags par 'os/ /snyigs dus dpal ldan sa skya'i bstan pa la/ /sa skya'i bla chen kun dga' snying po dang / /bka' drin mnyam pa'i sngags 'chang chos kyi rje/ /kun dga' rin chen zhabs kyis slar yang skyongs/ /mgon de'i rigs sras bsod nams dbang po zhes/ /mthu stobs rdzu 'phrul bsam yas gang de dang / /yab rje sbas pa'i sangs rgyas bstan pa'i srog /grags pa'i mtshan gyis byang chub bar du srungs/ /rang sems gdod nas spros bral nam mkha'i ngang / /'on kyang 'khor 'das snang ba 'gag med 'char/ /shar yang ngo bos stong pa'i blo 'das kyi/ /gdod ma'i mgon po mus pa chen po rgyal/ /e ma sngon byon mkhas pa rnams kyi gsung / /phyogs lhung 'khyog po'i bsam sbyor dang bral bar/ /kun la dang 'dod dad pa'i blo mtsho las/ /legs bshad tshig gi me tog 'di 'khrungs so/ /tshul 'dir 'bad dang dus gsum dge ba'i mthus/ /bdag cag dpon slob 'gro drug mkha' mnyam gyi/ /shes rgyud sgrib gnyis