[A:101a][...]Colophon, ff. 100b6-101a7
Printing colophon, f. 101a3-7
// na mo vajra dha ra yaH
rab gsal mkhyen pa'i nyi 'od stong phrag gis/ /
log par smra ba'i nyin spong pham mdzad nas/ /
thub bstan pad mo'i tshal kun rgyas mdzad pa/ /
rig 'dzin gza' yi bdag po rgyal gyur cig/ /
zab mo rdo rje'i tshig rnams gsal ba'i slad/
dpal ldan bsod nams ri bo'i rtse mo nas/ /
man ngag thub pa'i gzhon pas mdzes pa'i dpal/ /
rnam bshad nyi ma'i 'od zer shar ba 'di/ /
bstan la ring du gnas par bya ba'i phyir/ /
rab gsal par gyi yi ger bsgrubs shig ces/ /
mkhyen rtse'i spyan yangs sa la spyod pa'i sras/ /
rig 'dzin gra lnga rgyal po'i bkas bskul nas/ /
grub pa'i dbang phyug mar rngog gdan sa'i mchog/ /
spre zhing chos kyis 'byor pa'i sde chen du/ /
par la mkhas pa'i khyu mchog bzod pa 'phel/ /
rnam mang yon gyis mchod nas gus par bsgrubs/ /
dge bas ngag gi dbang phyug sa skya pa/ /
mkhas mchog brgyud parrgyud par bcas pa'i ring lugs rnams/
sa dang nam mkha'imkha'i pha mthar rgyas gyur te/ /
rdo rje theg pa'i lam bzang gsal gyur cig /
khyad par chos rgyal gra lnga rgyal po yi/ /
rnam dkar chos kyi mdzad pa rab rgyas shing/ /
gang gi drin gyis 'gro kun sangs rgyas kyi/ /
go 'phang sgrub la gegs dang bral gyur cig/
'jig rten kun du lo phyugs legs pa dang/ /
nad med phan tshun 'dza ba'i sems kyis gnas/ /
rgyu dang mi rgyu bde legs kun ldan zhing/ /
chos ldan 'byor pa'i gter la spyod gyur cig/ //