[A:5b]dpal la sogs pa gang rung re re'i slob ma byed mkhan dgu byung ba la bu mo dgu zhes zer/
bzad ring gi mtshan ni dar ma tshul khrims te/ des khro phur phar tshad kyi bshad grwa gtsugs/ de las brgyud pa tshad ma'i skyes bu dang / bu ston thams cad mkhyen pa sogs so//
mnyal zhig gi bu dgu'i slob ma rgya ston phying ru bas gling stod kyi gdan sa lo bco brgyad byas shing / snye thang bde ba can gyi chos grwa btab/ de'i gdan sa gnyag grags tshul gyis byas/ rin po che blo bzang pa'i grwa sa 'di dang / 'tshal chos 'khor gling yin cing / phyis sa skyar mdzad pa'o//
mnyal zhig gi bu mo dgu'i nang gi jo nam la/ slob ma 'jam dbyangs 'od zer mgon po byung / des gling smad kyi bdan sa lo sum cu so lnga byas//
de la slob ma 'jam dbyangs shAkya gzhon nu dang / kha rag pa byang chub gzhon nu gnyis byung /
dang pos gling smad kyi gdan sa lo nyi shu rtsa bdun mdzad cing / 'tshal chos 'khor gling gi bshad grwa gtsugs// jo nang pa phyogs las rnam rgyal gyi grwa sa 'di yin/ shAka gzhon la slob ma gsang phu ba blo gros mtshungs med/ g.yag sde pan chen/ ka bzhi rkang gcig rnams byung /
dang pos karma pa rang byung rdo rjei bla ma byas/
gnyis pas gling smad kyi bla zur byas nas e waM gi dgon pa btab/
gsum pas rab sgang gi ka bzhi dgon btab/
mnyal zhig gi rjes la/ gtsang pa 'jam dpal seng ge dang / dza dza ne gnyis kyi gdan sa so sor bzung bas/ gling ston smad kyis/ taza nes gling smad kyi gdan sa lo bdun byas pa'i rjes la/ gzhu pa khu dbon gyis lo sum cu/
mnyal zhig gi slob ma jo nam gyis lo bcwa lnga/ de'i slob ma 'od zer mgon pos lo lnga/ de'i slob ma shAka gzhon gyis/ slob dpon gyi bgros la brten zhing /