[A:74]sbyar gyon/ /dri zhim bsang gtor rin chen gser gzhong du/ /sna tshogs mchod sprin rin chen phung por btus/ /sku gdung legs bsdus rin chen sgrom bur sbas/ /stobs chen rgyal rgyud kha cig de la khros/ /bdag gi bla ma chos rje paN chen de/ /kun la byams mod bdag la ring min te/ /khyod la nye min sku gdung bdag cag la/ /phag tu sbed pa'i gtan tshigs ci yi phyir/ /sku gdung 'di la bsrungs ba'i cha shas re/ /so sor bgos na zhi ba'i sems dang ldan/ /de lta min na kho bo'i grogs yod kyang / /de yang bla ma'i gsung dang 'gal thabs med/ /'phags pa pag shi ma mnyes gyur na bla'i/ /rgyal ba'i sras po phrin las mtha' can de/ /nam mkha' 'ja' tshon gur gyi steng na bzhugs/ /bar snang snyan pa'i sgra sgrog me tog char/ /bdag dang dad pa thob pa'i skyes bu 'gas/ /bla ma 'jam pa'i dbyangs su yang yang gzigs/ /de phyir bdag ni zhi ba'i sems dang ldan/ /sa ri yar tshes bcu bzhi'i snga dro la/ /bu slob tshogs su rin chen sgrom zhal phyes/ /ling chu rtse yi pho brang gnas mchog der/ /rin chen rgyan spras gser gyi khri steng du/ /mi yi dbang po rgyal po go dan bzhugs/ /mdun duu sa gzhi dri zhim spos chus byugs/ /maNDal gser gyi padma 'dab brgyad dbus/ /za 'og padma stong ldan gdan du bting / /sku gdung ring bsrel rten mchog tshom bur brdal/ /rgyal po'i phyag gi gser gyi thur ma la/ /dri zhim bdug spos tsandan lde gus byugs/ /mngon sum gzigs nas rin chen rten mchog rnams/ /bcos ma'i ring bsrel rten rnams so sor bsal/ /sku gdung bzhugs ltas sku gsung thugs kyi rten/ /gtsug tor dbus su kye yi rdo rje dang / /'jam pa'i dbyangs sku dri med gsal por byon/ /dpral ba'i dbyings su 'khor lo sdom pa'i tshogs/ /ltag pa'i cha la sangs rgyas bcom ldan 'das/ /phrag pa'i gdung la khar sa pA Ni dang / /rkang gi sbugs su spyan ras gzigs dbang dang / /sgal bu'i cha la gsang ba'i yum bzhi byon/ /sgrol ma mi g.yo pus btsugs rnam pa gnyis/ /phyag sor g.yas pa klu shing ljon pa'i steng / /byams pa chos kyi 'khor lo'i phyag rgya can/ /