[A:75]sprul pa rnam bcu sku yi rten du byon/ /tshangs pa'i gsung dbyangs stong nyid seng ge'i sgra/ /skye med don mtshon a yig 'bur du dod/ /snyan gong gnyis la rnam rgyal mchod rten re/ /dam tshig rdo rje lte bar hU~M gis mtshan/ /thugs dgongs rnam dag rang byung chos skur shar/ /gzhan yang ring bsrel sna tshogs dpag med byon/ /rgyal po sgo gsum gus pas 'di skad gsungs/ /lhag par ya mtshan che ba'i rten mchog kun/ /'di 'dra'i ngo mtshar sna tshogs dpag tu med/ /phyi rabs sa skya'i brgyud pa pag shi rnams/ /kun la 'byung na ngo mtshar ya mtshan che/ /'on kyang sngon las bsod nams bsags pa'i mthus/ /'di ltar byung na bstan pa'i rgyan du dkon pa'i mchog /de yang bdag gi smon lam mthus byung rjes yi rang / /rtag tu lus ngag yid gsum gus pas gsol ba thob/ /yid ches gyis shig skye ba 'di yi 'og rol du/ /khyed cag bu slob rnams dang bdag cag lhan cig tu/ /sangs rgyas bstan pa'i bdag po bla ma dam pa de'i/ /thugs rjes rjes bzung 'khor gyi thog mar skye bar nges/ /gsungs te sku gdung ring bsrel rten mchog rnams/ /dad ldan skyes bu gdul bya'i tshogs rnams la/ /bka' yi skyabs mchog bsod nams bsags pa yi/ /rten du gnang bas rtag tu dad pa thob/ /don gnyer skye bo phar 'gro tshur 'ong rnams/ /sprul pa sde yi grong khyer yul dbus su/ /gsol 'debs bskor ba'i mchod rten bzhengs pa sogs/ /byin rlabs mngon rtags 'phral du byung ba mang / /rnam thar mdor bsdus cung zad ston pa yi/ /de las byung ba'i dge ba gang thob pa/ /'gro rnams kun mkhyen chos rje nyid kyi zhabs/ /padmo dri ma med la gus btud de/ /rig pa'i gnas lnga mkhyen pa'i paNDi tar/ /gyur te skye ba rnams su yang dang yang / /rtag tu 'bral ba med par gnas gyur te/ /shes rab nor bdun dag dang ldan gyur nas/ /mtho ris yon tan bdun la spyod byed cing / /thar pa'i lam mchog dag la rab zhugs nas/ /'gro la bde skyid rgya mtsho 'byung gyur cig /ces pa