[A:65]thugs las gsung / /bcu gcig dus su brtag pa gnyis pa dang / /kye rdor la sogs sangs rgyas mnyam sbyor gsung / /bcu gnyis dus su gur dang sambu Ta/ /thabs shes gnyis su med pa'i rgyud sde gsungs/ /bco lnga'i dus su rje btsun rtse mo dang / /sa chen kun snying dpal chen 'od po che'i/ /thugs la mnga' ba'i yon tan ma lus pa/ /bde mchog skor gsum mkha' 'gro rgya mtsho dang / /phag mo skor gsum na ro mai tri'i lugs/ /kye yi rdo rje bdag med lha mo'i skor/ /rdo rje phur pa rdo rje dbyings la sogs/ /gsang 'dus ma hA mA ya gshin rje'i gshed/ /sangs rgyas thod pa rdo rje gdan bzhi dang / /'jigs byed dgra nag gdong drug dus 'khor sogs/ /ma lus pa rnams gsan nas thugs su chud/ /dgung lo bco brgyad lon pa'i mnal lam du/ /a phyi mchod rten chen po'i drung du ni/ /dbyig gnyen zhes bya'i dge slong ngur smrig can/ /chos kyi ma mo mngon pa'i mdzod tshig rnams/ /'chad pa thos shing gus pa'i tshul gyis nyan/ /mnal sangs ma lus thugs su chud par gyur/ /rgya gar shar phyogs rnam par rgyal ba yi/ /zhing zhes bya ba 'khor lo can gyi yul/ /slob dpon phyogs kyi glang po zhes bya ba'i/ /brag phug yin zer shin tu nyams dga' bar/ /tshad ma sde bdun kun btus la sogs pa/ /glegs bam mang po'i lde mig gtad pa rmis/ /mnal sangs nyams snang rtogs pa lhag par rgyas/ /bcu dgu pa la 'phrang zhes bya ba yi/ /dge ba'i bshes gnyen chen po zhu ston la/ /rje btsun byams pas gsungs pa'i chos sde lnga/ /tshad ma kun btus la sogs chos 'ga' gsan/ /de nas dgung lo nyi shu bzhes pa'i dus/ /mtshur ston chen po gzhon nu seng ge la/ /bstan bcos tshad ma rnam nges gsan nas ni/ /gtsang gi rkyang thur dge 'dun sde chen la/ /chos 'khor chen po mdzad nas byon pa'i lam/ /rgya gar kha che'i yul nas byon pa yi/ /