[A:77]du yongs su rdzogs pa'i ri bong 'dzin pa'i 'od zer shar ba ltar ches dkar ba'i ngogs/ rdo rje gdan gyis brgyad pa'i gzhi dang mtshungs pas rab tu brjid cing shin tu mdzes pa/ kun nas bkra ba'i gtsug lag khang na gnas pa ni/ byang chub sems dpa' lag na padmos nges par dgongs shing rjes su bskyangs la/ kha ba can gyi ljongs na dpe gang gis kyang bskrun par mi bya ba dpal sa skya pa zhes bya ba yin no/ /de nyid kyis na bdag cag gi bla ma khams gsum gyi mgon por gyur pa 'di la/ ma ga dha la sogs pa dbus 'gyur tshal dang / o Di ya na dang kha che la sogs pa byang phyogs pa dang / rgya dang khri dan pa la sogs pa shar phyogs pa dang / kha ba can gyi khrod na gnas pa'i sgrogs pa po mtha' dag kyang dpal ldan sa skya pa zhes brjod pa dang gsol ba 'debs par byed pa yin no/ /de ltar gyur pa 'di'i dri ma med pa'i gdung rgyud la/ yongs kyi dge ba'i bshes gnyen ji snyed cig yod pa dang / de dag gis bshes gnyen dam pa ji snyed cig bsten cing mkhyen pa dang / brtse ba dang / grub pa la sogs pa'i yon tan dang / rnam par thar pa ji lta bu mnga' ba dang / bu ram shing pa'i gdung rgyud skye dgu ma lus pa'i kha lo sgyur ba bla na med pa 'di'i bstan pa'i khur ji ltar bzhes pa la sogs pa'i rtogs pa brjod pa ji ltar zhe na/ 'di ni thog ma med pa'i dus nyid nas gzhan rjes su 'dzin pa'i phrin las kyi khur khyer ba'i gdung rgyud dam par gyur pa ste/ de yang byang chub sems dpa' spyan ras gzigs kyi sprul pa rje srong btsan sgam po'i dbon po khri srong sde btsan gyi sku ring la/ sgra bsgyur gyi dam par gyur pa ni/ rgan pa gsum/ gzhon pa gsum/ bar pa glang du su ga ta zhes pa ste/ sad mi mi bdun lho phyogs su brdzangs pa las gzhon gsum gyi nang nas sgra dang tshad ma la mkhas par byed pa 'khon lo tsA ba klu'i dbang po srung ba zhes bya ba byon par gyur