[A:114]bris nas de la klog pa'i tshul mdzad de/ yang mi 'gom par phyag gis zul gyis phyis gtong ba c-ig byung / yang rgya klog dang bod klog gnyis ka ma bslab par snga mor shes 'dug ste sngon la 'di shes dran pa tsam mi 'dug gsung / de nas cung zad cher skyes pa dang / yi ge'i bye brag rgya yig bod yig la sogs pa dang / rtsis dang / gso dpyad dang / ri mo la sogs pa bzo'i bye brag thams cad kyang bslab pa tsam gyis tshegs med par mkhyen cing / gzhon nu nas yon tan gyi gter chen por gyur pas mkhas pa gzhan du ma dang / nyid kyi slob dpon du gyur pa de dag kyang sprul pa dang byin gyis brlabs pa yin gyi rang rgyud pa ma yin no zhes gsung zhing kun gyis ngo mtshar du 'dzin to/ /gzhan yang gzhon nu nyid nas rang gi yab dge ba'i bshes gnyen gsang sngags rig pa nyid la dbang bskur ba nod de/ dges pa rdo rje'i sgrub thabs mtsho skyes dang / yan lag drug pa dang / dbang chu rab gnas/ sbyin sreg gi cho ga /'khor lo bde mchog lo hi pa/ rdo rje dril bu'i skor gsum/ mchod pa'i lag len/ mi g.yo ba/ 'jam dpal/ spyan ras gzigs/ rnam rgyal/ 'od zer can/ rdo rje rnam 'joms la sogs pa'i sgrub thabs thugs dam du mdzad pa rnams dang / rtsa ltung / bla ma lnga bcu pa/ sdom pa nyi shu pa/ phyag na rdo rje mdo lugs brtag pa'i skor dang bcas pa/ sman dpyad kyi gzhung man ngag rnams gsan cing thugs su chud par mdzad do/ /yang rje btsun rin po che las/ dbang byin rlabs rgyud 'grel man ngag la sogs yab mes kyi chos rnams rim gyis gsan cing sbyang bar mdzad/ dgung lo brgyad pa'i dus su mtsho skyes la bshad pa mdzad/ bcu gnyis pa la brtag gnyis la bshad pa mdzad/ bcu bzhi pa las sambu Ta gsungs/ bco lnga lon pa dang yab mes kyi chos ma lus pa thugs su chud par mdzad/ de nas dgung lo bco brgyad pa'i dus su mnal lam