[A:337]rnams bsdus nas rin po che'i bum par bzhugs su gsol te/ rgya yul nas byung ba'i gos gya nom pa du mas g.yogs shing rgya du ma btab nas mchod pa'i khyad par dpag tu med pa phul zhing gsol ba yun ring du 'debs pa'i tshe/ yang sgra dang 'od la sogs pa ngo mtshar ba'i ltas du ma byung zhing sems can dpag tu med pa'i don mdzad pa yin te/ byang chub sems dpa' sems dpa' chen po rnams la 'di lta bu 'byung ba gsung rab rnams su gsungs pa yin no/ /de nas mchod pa'i tshogs rgya chen po dang bcas pas rgya de rnams bkrol zhing bltas pa'i tshe/ gdung rnams ni ring bsrel gyi phung po chen por gyur te 'dug go /de'i tshe yang sgra dang 'od la sogs pa ngo mtshar ba'i ltas du ma byung la/ deng sang gi bar du yang dad pa can rnams kyi lag na gdung ring bsrel gyi cha gang na yod pa dang / mya ngan las 'das pa'i dus dang / dus kyi mchod pa dag la yang 'ja' tshon dang sgra la sogs pa skye bo thams cad la mngon sum du 'byung ngo / /de ltar bdag nyid chen po 'di mya ngan las 'das nas kyang / phrin las rgyun mi chad pas sems can gyi don dpag tu med pa mdzad pa yin no/ /'di ltar 'jig rten na rigs thams cad kyi bla mar gyur pa shAkya rnams kyi skyes pa'i rabs bzung zhing kun chub par byas nas gzhan dag la yang rgya cher bsnyad na chos dang mthun zhing bsod nams kyi phung po dpag tu med pa 'byung la/ yon tan bsam gyis mi khyab pa 'phel bar byed do zhes bde bar gshegs pa nyid kyis dri ma med pa'i mdo sde dag las gsungs shing / rgyud sde dag las kyang / slob dpon yon tan blang bya zhing / /skyon rnams la ni nam yang min/ /zhes gsungs pa dang / dus kyi 'khor lo las kyang / slob dpon sangs rgyas yin te rab mchog sa stengs rnams su chos ni de yis bstan pa'o/ /zhes gsungs pas/ bla ma dam pa rnams kyi yon tan gyi bsngags pa mdzad pa dang / 'chad ba dang