[A:346]pa'i gzugs can mthong tshad la/ /gtad med mos pa dung dung byed/ /mgo mchog med pa'i gdams ngag zhus/ /chos zhus gzhan gyis ma phan kyang / /grub thob rig pa ye shes la/ /thugs rje chen po'i bka' lung zhus/ /spyan ras gzigs bsgom ma Ni bgrangs/ /byin rlabs lus sems bde ba dang / /mi mthun phyogs sel khyad par du/ /ma yis 'thab pa'i tsher zug la/ /stong phrag re yis nges par zhi/ /ri la phyugs lug 'tsho bar 'ong / /brag phug stong bar lus gnad kyis/ /bsdad tshe lus sems bde ba dang / 'bral mi phod pa yang yang 'ong / /sdig la 'dzem shing dge la spro/ /sems can la 'tshe gtan mi phod/ /lo brgyad man chad dad pa dang / /mos kyang chos dang bla ma yi/ /blang dor dmigs med tha shal bas/ /skyabs 'gro ma Ni ci 'grub byas/ /dran tshad sdig med mi 'gyod tsam/ /de dag ni chos 'dod bsam bklag gi dus so/ /lo dgu pa la chab klog thad ka shes/ /gzhan gyi lang gshegs tshar bdun bton/ /skyo shas sha yi nyes dmigs go /sha spangs rab byung bya snyam pa'i/ /nges 'byung thag chod zhag bdun byung / /pha ma'i gor phyin gros dris pas/ /lo shas klog dang g.yog gyis zer/ /yang zhus ma gnang dbang med pas/ /byis pa mang po'i slob dpon dang / /pha ma chung bdag so tshis byas/ /gsung rab phal cher bton pa yis/ /'khor ba'i nyes dmigs rgyu 'bras cha/ /sa lam 'phags pa'i spang rtogs dang / /rab byung rab mtha'i kun spyod dang / /sngon dang da lta'i dge sbyong gi /spyod pa'i khyad par gang gsungs rnams/ /ji ltar gsungs bzhin bden par go /chos bya dbang byung byed lugs kyang / /sngon gyi dam pa'i rjes 'brangs la/ /byas lo tsam la mi bzhag snyam/ /go cha gyon kyang gzhan dbang song / /rgyal khams 'grim par brtsams na yang / /lus ngan sems stobs chung ba yi/ /'brel pas btson dong 'bud ma nus/ /chos med shi dogs snying zug