[A:366]cig gis bdag med ma'i byin rlabs zhu yin 'dug pas grangs ka yang ma 'grig 'dug pa la/ zhu ba po rnams la bdag gseb tu 'jug pa cig bla ma la zhu rogs byas na thugs la 'dogs se byas pas/ khong rnams na re los kyang 'ong / nged kyi zhus pas gnang gi /khyed rang khrus gyis la nged 'di dang 'di'i bar du sdod cig zer/ de ltar byas pas las nga la khyod 'thon gsungs nas 'ong snyam tsa na/ bu tsha khyod ci byed 'thon gsungs pa la/ grogs mched rnams kyis 'di drung gi zhabs tog gus po byed pa bla ma'i sku gsung thugs kyi byin rlabs 'jug pa cig 'ong ba gda' lags pas/ da lan cis kyang thugs rjes 'dzin par zhu zhus pas 'o na grangs ka yang ma 'grig par 'dug pas bya dgos pa yin gsungs nas gnang / de yan chad du nA ro pas ti lo pa bsten pa'am/ mi las mar pa bsten pa lta bu'i dka' ba spyad pas phyi nang gsang gsum gyi rten 'brel 'grig cing / snod ldan du rgyud yongs su dag par mdzad pas/ de phyin chad nar mar chos ci zhus pa thams cad dka' ba med par gnang ste/ bla ma de la mnga' ba'i gsung ngag gis thog drangs pas bka' lung man ngag thams cad bum pa gang byor gnang ste/ bka' thob tsam dang thob lo tsam ma yin pa'i byin rlabs kyi nyams brgyud/ mthong ba brgyud pa'i phyag len par btab pa lta bu mthar phyin par smin par mdzad do/ /des na bla ma 'phags pa la slob ma mang du byung yang lam 'bras gzhan nas cher ma 'phel lo/ /zhang pa'i slob ma gzhan las ma 'phel/ brag phug pa kho na las mang du 'phel lo/ /dus phyis bla ma zhang de 'phags pa rin po che'i bu chen gzhan las khyad par du 'phags pa yin pas/ bla ma bdag nyid chen pos dbus nas sa skyar gdan drangs te/ chos gdams ngag la sogs pa zhu bar bzhed pas sa skyar bzhugs shing / dgung lo drug cu re brgyad pa la gdul bya rtag 'dzin can rnams la dgongs nas/ zla ba gsum pa'i nyi shu drug la bde bar gshegs pa'i tshul bstan