[A:367]no/ /gdung zhugs la bzhu ba'i tshe/ gdung la 'jam dpal a ra pa tsa na/ spyan ras gzigs/ sgrol ma rnams kyi sku gzugs mthe bong gi tshad tsam dod cing gsal ba gsum byon pas/ skye bo rnams ngo mtshar zhing gdul bya rnams mi byed pa'i dad pa la bkod/ 'jam dpal gyi sku de drung gi slob ma khams pa dge bshes cig la mos gus kyi rten cig dgos zer nas chos rje brag phug pas khams pa de la bskur bas/ brag phug pa'i gsung gis nga shes rab chung ba 'di des len gsungs skad/ gzhan gnyis zhang pa'i nang rten thub pa khru gang ma cig bzhengs pa'i nang na bcug yod gsungs/ de ltar dngos dang brgyud pas sgrub rgyud kyi bstan pa spel zhing sa skya pa'i chos rgyud la sku drin che ba yin no/ /zhang ston chos rje'i rnam par thar pa chos rje brag phug pa'i gsung rim par thos pa 'di ni/ chos 'di'i rigs su skyes pa dge slong dpal ldan gyi slob ma dag gis ngor dben gnas tsha mo rong byang chub rdzong gi dgon par sbyar ba'i yi ge pa ni/ bsod nams dpal zhes bya bas bgyis te mthar phyin par mdzad do//