[A:66] gsungs pa ltar| rlung 'phrin nyan chas shig nyos pas lag yod dngul tog tsam de yang rdzogs| dka' ngal che ba'i dus der rlung 'phrin khang gi las byed bkras mthong rak ra rin po che thub bstan chos dar yang yang phebs nas btsos sha sbas nas sbyin mdzad pa dang| sems gso| srog rlung la phan pa'i nyams myong bka' slob gnang ba sogs snying rjes phan grogs mdzad pa ni nam yang brjed mi thub| hor zla 2/1 59/3/10 nyin bod kyi rgyal sa lha sar bod mi mang gis rgya gung khran gyi btsan dbang 'og nas rang dbang sger langs kyi rgol gtam bsgrags pa la rgya dmag gis drag gnon byung skabs| rgyal ba rin po ches gtsos bod mi mang po skyabs bcol du 'byor ba'i gnas tshul thos shing| de nas bzung rang yang pha yul du mgyogs por slebs mi thub par shes te skyabs bcol bar gyur| 'di lo'i dbyar kha skyabs rje bdud 'joms rin po ches phyag bris stsal bar 'jam mgon rdo rje 'chang sku mya ngan las 'da' ba'i dgongs pa gtad zin na 'phral du mjal bcar zhus na legs zhes gsungs pas| sems mya ngan gyis non te hor zla 4 tshes 7 59/5/15 di lli nas thon| sgang tog la slebs nas 'jams mgon rdo rje 'chang snyun babs lci bas mjal bcar bkag rgya mdzad cing| slob ma rnams zhabs brtan la brtson bzhin 'dug skabs| zhal mjal snyan seng zhus pas lam sang sku mdun du shog gsungs te bcar bas sku gzugs ha cang zhan pa mjal bas dad skyo'i sems tshor gyis gdungs te mig chu dbang med du shor| sku tshe brtan rogs zhes rgyu mtshan mang po zhus nas gsol ba btab par| 'tsho ba'i smon 'dun byed mus kyang nad gzhi snying pa 'di je lod du song bas da cha ci 'gyur mi shes| nga shi gson gang ched rung khyed la zer rgyu gtso che shos ban ma log| sems phrengs ma byed| chos nyams len ci 'grub mdzod| deng sang snyigs ma'i dus 'dir mtshan nyid ldan pa'i sngags pa zhig la bdud 'joms sprul sku 'di lta bu dkon po red| khyed kyis da phyin chad khong bla mar bsten nas ci gsungs sgrubs dang snyung gzhi des kyang sdug pa zhig byed mi 'ong zhes dang| 'tsho ba'i gnas stangs sogs bka' 'dri nang lugs su phebs pa 'di ni bla ma bka' drin can gyi sku mjal ba dang