[A:52a]dang bcas pa bsdus par / slob dpon seng ge bzang po dang 'jigs med la sogs pa mang pos bzhed la / kha cig slob lam bsdus par bzhed do / /
brgyad pa sbyor ba bzhir dbye na / rnam kun mngon rdzogs dang rtse mo'i sbyor ba dang / mthar [C:70]gyis pa'i sbyor ba dang / skad cig ma'i sbyor ba'o / /
rgyu / sbyor ba bzhi yi bdag nyid dang / /
zhes so / /
yang na go cha'i sgrub pa / 'jug pa'i sgrub pa / tshogs kyi sgrub pa / nges 'byung sgrub pa ste / sgrub pa bzhi'o / /
dgu pa theg pa thun mong gi skad dang bstun nas lam bzhir dbye na / tshogs lam dang / sbyor lam dang / mthong lam dang sgom lam ste bzhi'o / /
mthar phyin pa'i lam ni 'bras bu yin pas ma gtogs so / /
tshogs sbyor gnyis ni de kho na nyid mos pas spyod pa tsam yin gyi / mngon sum du ma mthong bas mos pas spyod pa'i sa yin la / mthong lam dang 'jig rten las 'das pa'i sgom lam gyis de nyid mngon sum du mthong bas mngon par rtogs pa'o / /
dang po gnyis ni / zag bcas kun rdzob shes pa yin pas lam bden dngos min no / /
'o na bsdu bar lam gyi bden pa gang zhe na / tshogs kyi lam gang yin pa dang / sbyor ba'i lam gang yin pa dang / rnam par dag pa'i lam gang yin pa de thams cad gcig tu bsdus pa ni lam gyi bden pa zhes bya'o zhes pa dang / kun las btus su'ang lam lnga lam bden du [B:47a]bshad do zhe na / skyon med de lam bden gyi 'khor yin pa'am / lam bden rjes mthun pa yin pa la dgongs te / kun btus 'grel par / lam rnam pa lnga zhes bya ba ni rab tu dbye ba lnga'i skabs kyis so / /
rab tu dbye ba 'di yang lam gyi bden pa 'khor dang bcas pa'i skabs kyis rig par bya'o