[A:57a]pa nyid kyi ye shes dang / so sor rtog pa'i ye shes dang / bya ba grub pa'i ye shes so / /
zhes gsungs la / sku gsum mam bzhir yang gsungs pas / 'di la lnga / a4. sku gsum gyi ngo bo / b4.nges tshig / c4. grangs nges / c4. gang giyul yin pa dang / e4. dbye ba dang lnga'o / /
IVAcc1b2a3a4. dang po ni / rgyan las / rang bzhin chos rdzogs longs spyod dang / /
sprul pa dag gis tha dad 'jug /
'di ni sangs rgyas rnams dag gi /
chos dbyings rnam par dag par bshad / /
sangs rgyas rnams kyi sku dbye ba / /
rang bzhin longs spyod rdzogs pa dang / /
gzhan ni sprul pa'i sku yin te / /
dang po gnyis pa'i rten yin no / /
zhes [B:51b]pas / rang bzhin gyi sku dang / ngo bo nyid sku dang / chos sku zhes pa rnam grangs yin la / chos kyi dbyings rnam par dag pa dang / me long lta bu'i ye shes ni chos sku'o / /
rgyu bdag gzhan mnyam par bsgoms pa'i 'bras bu mi gnas pa'i myang 'das la bzhugs pa mnyam nyid ye shes dang / shes bya thams cad thogs med du mkhyen pa'i so sor kun rtog gi ye shes gnyis longs sku'o / /
sna tshogs su sprul nas sems can gyi don sgrub pa bya grub ye shes ni sprul pa'i [C:77]sku'o / /
rgyan las / sangs rgyas sprul pa dpag med pa / /
sprul pa'i skur ni 'dod pa ste / /
don gnyis phun sum tshogs pa ni / /
rnam pa thams cad gnyis la gnas / zhes so / /
IVAcc1b2a3b4. gnyis pa ni / ngha rmma k'a ya zhes pa chos sku ste / k'a ya'i byings ni tsi tsa ye zhes pa bsags pa ste / zag med kyi chos bsags pa sku zhes pa'am / bden gnyis las / chos rnams kun gyi lus yin phyir / /
yon tan bsam yas kun rten phyir / /
rig pa'i rjes 'brang ngo bo'i phyir / /
skyob pa rnams kyi chos sku yin / zhes pa ltar khyab