[A:57b]pa dang rten byed pa dang / ngo bo nyid du grub pas chos sku'o / /
saM bho ga k'a ya / zhes pa longs spyod rdzogs pa'i sku ste / theg pa chen po'i chos la yongs su rdzogs par longs spyod pas longs spyod rdzogs sku ste / sna tshogs chos la rdzogs longs spyod / /
ces sam / 'di de chos rdzogs longs spyod pas / zhes pa dang / chos la longs spyod rdzogs don phyir / /
zhes so / /
nir m'a Na ka ya zhes pa sprul sku ste / nges par 'gyur ba'am / rgyan mi brtan pa'am / nges par gzhan du sprul zhing bsgyur bas sprul sku ste / dpag med bsam yas sprul pa yis / /
sems can don kun sgrub pa'o / /
zhes so / /
IVAcc1b2a3c4. gsum pa ni / sku gsum dag gis sangs rgyas [B:52a]kyi / /
sku bsdus par ni shes bya ste / /
sku gsum dag gis rang gzhan gyi / /
don 'di rten dang bcas par bstan / zhes pas longs sku rang don / sprul sku gzhan don de gnyis ka'i rten chos skur nges so / /
IVAcc1b2a3d4. bzhi pa ni / chos sku yongs su rdzogs pa ni sangs rgyas kho na'i yul / rjes mthun pa sa brgyad pa'am sa dang po thob pas kyang mngon du byed nus la / mos spyod pas kyang don spyi tsam yul du byed do / /
longs sku ni byang sems sa bcu pa yan chad thob pa kho na'i yul du 'dod pa dang / sa thob pa thams cad kyi yul du 'dod pas lugs gnyis su'o / /
dang po ni rin chen phreng bar / bsam yas ye shes yul gyi bdag /
dbang phyug chen po mchog yin no / /
zhes pa'am / dbu ma pa chos kyi bshes gnyen gyis kyang longs sku mtshan nyid pa sa bcu pa thob pa'i yul du bshad do / /
'dod tshul gnyis pa ni / skyabs gsum bdun cu par / bsod nams chogs ni tshad med las / /
'khrungs pa de ni rgyal ba'i sras / /
sa bcu la ni gnas rnams kyi / /
mthong bar