[A:77a]dang / cha smad la lnga sda la bka' stsal pa / dge slong dag /
mtha' gnyis po 'di dag ni rab tu byung ba'i 'jug par bya ba ma yin te / 'dod pa bsod nyams dang / ngal zhing dub pa'i mtha'o / /
mtha' gnyis spangs nas dbu ma'i lam gyis de bzhin gshegs pa chos ston te / 'di lta ste / 'phags pa'i lam yan lag brgyad po / dge slong dag 'di ni bden pa bzhi ste / sdug bsngal ba dang / kun 'byung ba dang / 'gog pa dang / lam mo / /
zhes sogs dang / sdug bsngal ni yongs su shes par bya'o / /
kun 'byung ni spang bar bya'o / /
zhes sogs dang / sdug bsngal yongs su shes so / /
kun 'byung spangs so / /
zhes sogs te / bden pa bzhi lan gsum bzlas pas / rnam pa bcu gnyis kyis 'khor lo bskor bas / kau NDi n+yas dgra bcom ste dkon mchog gsum grub bo / /
de ltar rnam pa bcu gnyis kyis / /
chos kyi 'khor lo rab bskor ba / /
kau NDi n+ya kun shes te / /
dkon mchog gsum ni mngon par grub / /
ces so / /
chos kyi 'khor lo 'di la'ang / gnas / dus / 'khor / chos / dgos pa ste / lnga lngas 'chad gsung bas / dang po khor mo 'jig go /
dus / kha cig lo drug zla drug go zer ro / /
mchims pa na re lo bdun zer ro / /
chag na re lo bdun du zla ba gnyis kyis ma tshang ba'o zhes zer ro / /
'khor ni kau NDi n+ya / rta thul / rlangs pa / ming chen / bzang ldan te mi lnga / lha'i 'khor mang po'o / /
chos bden pa bzhi lan gsum bzlas pa / rnam pa bcu gnyis kyi 'khor lo ste / mdzod las / chos kyi'khor lo mthong ba'i lam / /
myur bar 'gro sogs rtsibs sogs kyis / /